როგორ გავაკეთოთ სახლი - ყულაბა ნაყინის ჯოხებისაგან

თაფლაკვერის სახლი - Gingerbread House, საახალწლო სამზადისი

ნაძვის ხე

ახალი წლის მთავარი ატრიბუტი, ნაძვის ხე დეკემბრის სადღესასწაულო დღეების მოახლოებასთან ერთად სულ უფრო და უფრო მოთხოვნადი ხდება ქართველ ინტერნეტ მომხმარებლებს შორის, ამიტომაც შევეცდებით წარმოგიდგინოთ დღეისთვის არსებული ბაზრის მცირე მიმოხილვა ფასებთან და ასორტიმენტთან ერთად.

სანამ ქართულ ბაზარზე გადავალთ, გეტყვით, რომ ყველასგან განსხვავებული, ნებისმიერი ზომისა და ფორმის ნაძვის ხის ყიდვა ამერიკული ონლაინ შოპებიდან გამოწერითაცაა შესაძლებელი. მაგალითად Amazon.com სპეციალურ საახალწლო ფასდაკლებებს გვთავაზობს, მაგრამ შედარებით მაღალი მოდელების შეძენის შემთხვევაში წონის გამო ტრანსპორტირების ღირებულებაც ძალიან იმატებს და ჯამური ფასიც იზრდება, რასაც ემატება განბაჟების ღირებულებაც და შესაბამისად, ამ შემთხვევაში გამოწერა ნაკლებად მიმზიდველ არჩევნად შეიძლება ჩაითვალოს.

როგორც ქართული ინტერნეტ მაღაზია isurve.ge-ს გაყიდვების მენეჯერი ამბობს, ნაძვის ხეებზე მოთხოვნა დეკემბრის პირველივე კვირიდან იმატებს და პიკს 25 დეკემბრისთვის აღწევს. რაც შეეხება მომხმარებლების გემოვნებას, ამ მხრივ გამოკვეთილი თრენდი არ არსებობს, თანაბარი წარმატებით იყიდება როგორც მცირე ზომის (120 სმ-იანი), ისე ყველაზე მაღალი – 240 სმ ზომის მქონე ნაძვები და განვადება და უფასო ადგილზე მიტანის სერვისი ინტერნეტში მათ შეძენას კიდევ უფრო მარტივსა და ხელმისაწვდომს ხდის.

ნაძვის ხეები ყველაზე იაფად დღეს სწორედ ამ ინტერნეტ მაღაზიაშია წარმოდგენილი, შარშანდელის მსგავსად პოლონური მწარმოებლებისგან და მიუხედავად დოლარის კურსის მნიშვნელოვანი ზრდისა, ისინი ცდილობენ ფასი მაქსიმალურად შეინარჩუნონ, მითუმეტეს, რომ სწორედ დაბალი ფასი გახლდათ ის ფაქტორი, რომელმაც შარშან 800-ზე მეტი მოდელის გაყიდვა განაპირობა.

რაც შეეხება არჩევანს, ძირითადად გამორჩეულია ხეები თოვლის ეფექტით (გირჩებთან და კენკრის გაფორმებასთან ერთად) და უბრალო, სტანდარტული მწვანე მოდელები, თოვლის გარეშე, თუმცა ანალოგიური გაფორმებით.

სიმაღლის მიხედვით ასორტიმენტი, როგორც აღვნიშნეთ, 120 სანტიმეტრიდან იწყება და წარმოდგენილი გახლავთ 150-იანი, 180-იანი, 210-იანი და 240 სმ-იანი მოდელები. ამ უკანასკნელს, სპეციალური შეთავაზების სახით მოყვება ულამაზესი განათებაც, ხოლო სხვა შემთხვევებში მისი ყიდვა ცალკეა შესაძლებელი. თითოეული მოდელი სპეციალური ყუთით იყიდება, ტოტები და წიწვები დანომრილია აწყობის გასამარტივებლად და ხარისხი გულისხმობს მაქსიმალურ დაცვას მათი გაცვენისგან, რაც ხშირ შემთხვევაში მთავარი პრობლემაა ხოლმე, დაბალფასიანი ნაძვის ხეების ყიდვის დროს.

აღსანიშნავია, ნებისმიერ ნაძვის ხეზე მოქმედებს უფასო საკურიერო სერვისი საქართველოს მთელ რეგიონში, შეძენის დღეს თბილისის, რუსთავის და მცხეთის ან მეორე დღეს – სხვა ქალაქის ან სოფლის შემთხვევაში.

წყარო

ხაჭაპურის გაკეთება

ცომი:

ფქვილი - 1 კილოგრამი
საფუარი - 15 გრამი
კარაქი - 350 გრამი
კვერცხი - 3 ცალი
რძე - 3 ჩ/ჭიქა
მარილი - 10 გრამი, ან გემოვნებით

შიგთავსი:
ყველი - ჭყინტი ან სულგუნი - 1 კილოგრამი
კვერცხი - 2 ცალი
კარაქი - 2 ს/კ
მარილი - 10 გრამი, ან გემოვნებით

მომზადების წესი:

ხაჭაპურის შიგთავსის მოსამზადებლად გავხეხოთ სულგუნი ან დავფშვნათ ჭყინტი ყველი. გამზადებული ყველი მოვათავსოთ თასში და შეურიოთ 2 ცალი კვერცხი, 2 სუფრის კოვზი კარაქი და მარილი გემოვნებით. 200 გრამი გამზადებული ყველი გადავინახოთ.

ცომის მოსამზადებლად ავიღოთ 3 ჩაის ჭიქა რძე, გავათბოთ დაახლოებით 30 გრადუსამდე, რძეში გავხსნათ საფუარი, დავამატოთ კვერცხი, ფქვილი და მოვზილოთ ცომი. კარაქი გავადნოთ და დავზილოთ ცომი ცხიმიანი ხელით, სანამ ცხიმს მთლიანად არ შეიზელს. მოზელილ ცომს მოვაყაროთ ფქვილი, დავახუროთ ტილო და დავდგათ თბილ ადგილას 3-4 საათი. გაფუების პროცესში ცომი შეიძლება 2-3 ჯერ დავზილოთ.

მოვზილოთ ხაჭაპურის ცომი ფქვილმოყრილ სამუშაო ადგილზე, დავასვენოთ რამდენიმე წუთი და გავაბრტყელოთ. ცომის ცენტრში მოვათავსოთ ხაჭაპურის შიგთავსი, შეუკრათ პირი და გავაბრტყელოთ.

საცხობ ფირფიტას კარგად მოვაყაროთ ფქვილი, მოვათავსოთ ხაჭაპური და გადანახული 200 გრამი ყველი კარგად გავანაწილოთ ხაჭაპურის ზედაპირზე. შევდგათ გახურებულ ღუმელში 200-220 გრადუსზე 15 წუთის განმავლობაში.

მარგო ზუგდიდელი ქალია, რომელიც ცნობილია როგორც მეგრული კერძების დიდოსტატი. მარგოს რეცეპტებს კიდევ შემოგთავაზებთ.

წყარო

ახალი წელი

 ახალი წელი — დღესასწაული მრავალ კულტურაში ადგილობრივად მიღებული კალენდრის მიხედვით, რომელიც დგება წლის ბოლო დღიდან მომავალი წლის პირველ დღეზე გადასვლის მომენტში. გრიგორიანული კალენდრის მიხედვით, ახალი წელი დგება პირველ იანვარს.

წყაარო

მასალა:

100 გრ. თაფლი
50 გრ. შაქარი
60 გრ. კარაქი
1 ჩაის კოვზი ვანილის შაქარი
თითო მწიკვი დაფქვილი დარიჩინი,მიხაკი და ილი ანუ კარდამონი
1ც. კვერცხი
250-280 გრ. ფქვილი
1 ჩაის კოვზი გამაფხვიერებელი

შაქრის მინანქრისთვის:

3 ც. კვერცხის ცილა
3 ჩაის ჭიქა შაქრის პუდრი
1 სუფრის კოვზი ლიმნის წვენი

მოსართავად:

სხვადასხვა ფერის საკონდიტრო მძივები, ბურთები, ვერცხლისფერი მტვერი, შეგიძლიათ გამოიყენოთ ასევე M&M-ის ტიპის კანფეტები, ასევე მარმელადი. ყველაფერი დამოკიდებულია თქვენი და თქვენი შვილების სურვილებსა და  ფანტაზიაზე.

მომზადება:

1. პატარა ქვაბში ჩაასხით თაფლი, დაამატეთ შაქარი, ვანილი და კარაქი. შემოდგით დაბალ ცეცხლზე და პერიოდულად ურიეთ, ვიდრე მასა არ გახდება ერთგვაროვანი. გადმოდგით და გააციეთ. ამ მასაში დაამატეთ მიხაკ-დარიჩინი და ილი, კვერცხი, ვანილი და კარგად აურიეთ. ცალკე ჯამში ფქვილს შეურიეთ გამაფხვიერებელი და შემდეგ თანდათანობით ჩაყარეთ თაფლიან მასაში. მოზილეთ ცომი, დაამრგვალეთ ბურთივით და მოათავსეთ მაცივარში 2 საათით.
2. ამასობაში მუყაოსგან გამოჭერით თარგი (სურათი იხილეთ ქვემოთ). სახურავი 2 დეტალი, გვერდითა კედლები 2 დეტალი, ფასადი და უკანა კედელი 2 დეტალი. სურვილის შემთხვევაში შეგიძლიათ უფრო მრავალფეროვანი გახადოთ საშობაო სახლი, ამისათვის გნებავთ დაამატეთ საკვამური, ან მეორე სართული. არ დაგავიწყდეთ სახლის კედლებში თქვენთვის სასურველი მოხაზულობის მქონე ფანჯრის და კარის ღიობების ამოჭრა. დამატებით შეგიძლიათ გააკეთოთ ნაძვები ან სხვა ფიგურები (მაგ: თოვლის ბაბუა, ღობე სახლის გარშემო და ა.შ.). რაც უფრო კრეატიული იქნებით, მით უფრო საინტერესო და სახალისო გამოვა თქვენი სახლი და უფრო გემრიელადაც მიირთმევთ მას :)
3. თარგის გამზადების შემდეგ უკვე შეგიძლიათ დაუბრუნდეთ ცომს. გააბრტყელეთ 0,7მმ. სისქეზე. გამოჭრილი თარგის დეტალები დაალაგეთ ცომზე ზემოდან და პატარა დანით დაიწყეთ ცომის გამოჭრა. ამ ეტაპზე უნდა ამოიჭრას ფანჯრის და კარის ღიობები.
4. თუნუქის ფურცელზე დააფინეთ პერგამენტი, ზედ დაალაგეთ გამოჭრილი დეტალები, ოდნავ მოაყარეთ ფქვილი და გამოაცხეთ 180 გრადუსზე 10-12 წუთი.  უფრო მეტ ხანს თუ დატოვებთ შეიძლება დაიწვას ცომი. გამომცხვარ დეტალებს აცადეთ გაგრილება.
5. მოამზადეთ შაქრის მინანქარი, რომლითაც შეაერთებთ დეტალებს და ასევე გააფორმებთ სახლის კედლებს და სახურავს დეკორატიულად. გაგრილებული კვერცხის ცილა ათქვიფეთ ბეზესავით, დაამატეთ შაქრის პუდრი და ლიმნის წვენი. თქვიფეთ, ვიდრე არ მიიღებთ სქელი კონსისტენციის მასას. თუ საჭიროა დაამატეთ შაქრის პუდრი. 
გახსოვდეთ რომ რაც უფრო სქელია მინანქარი მით უფრო გაგიადვილდებათ დეტალების შეერთება.  გამზადებული მინანქარი გადაიტანეთ ერთჯერად, ცელოფნის საკონდიტრო ტომარაში და მაკრატლით ოდნავ წააჭერით ტომარას თავი (წვეტიანი მხარე). ჯერ მორთეთ სახლის დეტალები, გაუკეთეთ კონტურები ფანჯრებს, კარს. სახურავზე შეგიძლიათ „დახატოთ“ კრამიტი. დააცადეთ გაშრობა და შემდეგ დაიწყეთ სახლის აწყობა. ამ ეტაპზე საკონდიტრო ტომარას ცოტა მეტად წააჭერით თავი რომ მინანქარი უფრო ადვილად გამოვიდეს. არ იჩქაროთ, დეტალები სათითაოდ შეაერთეთ, მაგ: ჯერ წინა და გვერდითი კედელი შეაწებეთ, დაელოდეთ ვიდრე მინანქარი გამაგრდება და მხოლოდ ამის შემდეგ გააგრძელეთ დანარჩენი დეტალების მიმაგრება. კედლები რომ არ გადავარდეს შეწებებს პროცესში, შეგიძლიათ გამოიყენოთ საყრდენად სხვადასხვა საგნები, მაგ: ჭიქა.  როდესაც სახლის კედლები მყარად მიეწებება ერთმანეთს და მინანქარიც გაშრება (ამისათვის ჯობს მთელი ღამით დატოვოთ ასე სახლი და სახურავი მეორე დღეს დაადგათ) დაიწყეთ სახურავის დადგმა და კარის დამაგრება. განსაკუთრებით მოთმინება გმართებთ სახურავის დამაგრებისას. არ დაიზაროთ და ცოტა ხანი ხელით გეჭიროთ სახურავის დეტალები, რომ არ დაცურდეს კედლებიდან. (ისევ და ისევ შეგიძლიათ ქვეშ დაუდოთ შესაბამისი სიმაღლის ჭიქა და ხელიც აღარ დაგეღლებათ). შესაძლებელია ე.წ. კბილის ჩხირების გამოყენებაც, რომ დეტალები უფრო ადვილად დააფიქსიროთ ერთად.  მინანქარი არცთუ ისე მალე მაგრდება და შრება ამიტომ ცოტა დიდ დროს მოითხოვს სახლის აწყობა, მაგრამ მერწმუნეთ შედეგით ძალიან კმაყოფილი დარჩებით.
6. მას შემდეგ რაც სახლი უკვე მთლიანად აწყობილია და მინანქარი კარგად გამშრალი, შეგიძლიათ გააფორმოთ გარედან სხვადასხვა კანფეტებით.

P.S.  შაქრის მინანქარი რომ არ გამოშრეს და გახმეს მეორე დღემდე, საკონდიტრო ტომარაში დატოვეთ. თუ მაინც გაშრა და გართულდა მისი გამოყენება, მაშინ ხელახლა გააკეთეთ.

შეიძლება იფიქროთ რომ საშობაო სახლის გაკეთება რთულია, მაგრამ მერწმუნეთ ეს პროცესი ძალიან სასიამოვნოა, აუცილებლად გამოგივათ და ყოველ წელს უფრო და უფრო ლამაზ სახლებს გააკეთებთ. ბედნიერ შობა-ახალ წელს გისურვებთ! 

წყარო